کابل ټکی کام (سه شنبه، ۱ غبرګولی، ۱۴۰۳ل)
د المیادین خبري آژانس د خبر له مخې د سوریې په “دیرالزور” ولایت کې د حکومت مخالفو وسله والو په برید کې ۵۰ تنه سوریایي پوځیان وژل شوي دي. د سوریې د بشري حقونو د څار ډلې د یوې اعلامیې په خپرولو سره ویلي، چې د سوریې په ختیځ کې پر یوه پوځي بس برید کې ۵۰ پوځیان وژل شوي او ګڼ نور ټپیان دي.د سوریې د بشري حقونو د څار سازمان وایي، چې برید د دیرالزور ولایت اړوند “المیادین” ښار ته څېرمه شوی دی. دیرالزور ولایت د حکومتي ځواکونو او مخالفو وسله والو ترمنځ ویشل شوې سیمه ده او ډیری وخت پر سوریایي پوځیانو پکې بریدونه کېږي. د یادونې وړ ده، چې د سوریې دولتي تلویزیون د پېښې د پخلي ترڅنګ ویلي، چې د برید پر مهال سیمه کې اسرائیلي الوتکې هم لیدل شوې دي.
