د چک بند بیارغونې چارې په بشپړېدو ۴ مېګاوات برېښنا ملي شبکې سره وصل کېږي

کابل ټکی کام (پنجشنبه، ۳ غبرګولی، ۱۴۰۳ل)

د میدان وردګو ولایت د چک برېښنا بند د رغونې چارې ۶۰ سلنه بشپړې شوې دي. د برېښنا شرکت د معلوماتو له مخې، په دغې پروژې  ۹۲۵ میلیونه افغانۍ لګښت راځي، چې له بشپړیدو وروسته به یې د چک ولسوالۍ اوسېدونکي له برېښنا برخمن شي.  دا په داسې حال کې ده، چې د چک برېښنا فابریکې ماشینونه له تېرو څو کلونو راهیسې د رغونې په موخه له خپل ځایه ایستل شوي او د بند کاسه یې له خاورو او رسوباتو ډکه شوې ده.  برېښنا شرکت د دې پروژې ظرفیت ۳٫۹ میګاواټه ښودلی او ویلي یې دي چې د دې فابریکې د بېرته فعالېدو چارې ۶۰ سلنه بشپړې شوې دي