کابل ټکی کام (چهارشنبه، ۳۰ غبرګولی، ۱۴۰۳ل)
د راپورونو له مخې یوه بار وړونکې بېړۍ چې تېره اونۍ د یمني ځواکونو په برید کې زیانمنه شوې وه او یو عمله یې ورکه وه ډوبه شوې ده. دا دوهمه بېړۍ ده چې د یمني ځواکونو د بریدونو په ترڅ کې چې د نومبر په میاشت کې پیل شوي ډوبېږي.د بریتانیا د سمندري سوداګرۍ عملیاتو سازمان یوکېاېمټياو وویل دا د یونان ملکیت بېړۍ وه چې د لایبریا بیرغ پرې رپېده او په سور سمندر کې ډوبه شوه.د یادونې وړ ده، چې یاده بېړۍ د تېرې چهار شنبې په ورځ د یمن حدیده بندر ته څېرمه د بې پیلوټه الوتکې (USV) له خوا برید وشو او د عملې یو غړی ورک شو.د برید له امله کښتۍ ته اوبه ننوتلې او د انجن خونې ته له زیان اوښتو وروسته یې د حرکت توان له لاسه ورکړ. سمندري سرچینو رویټرز ته ویلي چې ورک شوی ماڼو ښايي د کښتۍ د انجن په خونه کې ایسار پاتې وي.
