کابل ټکی کام (پنجشنبه، ۱۸ زمری، ۱۴۰۳ل)
د يمني ځواکونو له لوري په خپره شوې خپرپاڼه کې راغلي چې ځواکونو يې د فلسطيني ملت په ملاتړ او پر يمن د امريکايي او بريتانوي يرغل په غبرګون کې سور سمندرګي کې يوه بيړۍ په نښه کړې.
خبرپاڼه کې راغلي چې توپچي، هوايي او بحري ځواکونو يې د ګډو عملیاتو په ترڅ کې سور سمندرګي کې د (Contship Ono) په نامه يوه بيړۍ ويشتلې ده.
د یمني ځواکونو په خبره دغه کښتۍ يې ځکه ويشتلې، چې د دوی له پرلپسې خبرداري سربيره د اشغال شوي فلسطين بندرونو ته روانه وه.
باید وویل چې د تېر ميلادي کال د اکتوبر مياشتې له اوومې نيټې راهيسي غزه کې د صهيونيستي رژيم د جرمونو په غبرګون کې يمني ځواکونو په سور سمندرګي، عدن خليج او نورو سيمو کې د صهيونيستي رژيم،امريکا او متحدينو ګڼ شمېر کښتۍ ويشتلي او ګواښ يې کړی چې دغه لړۍ لا پسې پراخه کړي.
