کابل ټکی کام (دوشنبه، ۱۹ وږی، ۱۴۰۳ل)
اسرائيلي اشغالګرو تېره شپه د سوریې په مرکزي سيمو هوايي بريدونه کړي، چې په پایله کې یې ۱۸ تنه شهیدان شوي او لسګونه نور ټپیان شوي دي.
د سوریې وسله والو ځواکونو د سپتمبر د ۹مې نېټې په سهار په یوې اعلامیې کې ویلي، چې اسرائيلي اشغالګرو د سپتمبر د ۸مې نېټې په شپه د دغه هېواد د مرکزي سیمو څو پوځي ځایونه په نښه کړي، چې له امله یې ۱۸ تنه شهیدان شوي او ۷۰ نور ټپیان دي.
اعلاميه وايي، اسرائيلي ځواکونو د روانې مياشتې په ۸مې نېټې د شپې په ۱۱ بجو او ۲۰ دقیقو د لبنان له شمال لوېدیځ څخه د سوریې د مرکزي سیمو پر ګڼو پوځي ځایونو هوايي بریدونه کړي، چې له امله یې ۱۸ تنه شهیدان شوي، ۷۰ نور ټپیان شوي او یو شمېر تاسیسات یې زيانمن کړي دي.
