کابل ټکی کام (دوشنبه، ۲۳ تله، ۱۴۰۳)
یمني ځواکونو خبر ورکړی، چې دوی یوځل بیا تېره شپه د اسرائیلو پلازمینې تل ابیب ته نږدې په یافا ښار کې یې مهم پوځي اهداف په نښه کړي دي.
د یمني ځواکونو ویاند جنرال “یحیی سریع” په خپور کړي ویډیويي پیغام کې ویلي چې د یافا په ښار کې یې یو “مهم هدف” د بې پیلوټه الوتکو لخوا په نښه کړی دی.
سریع ویلي برید مخکې له مخې چې د اسرائیلو لخوا مخنیوی وشي خپل هدف ته ورسید. هغه وویل چې پر اسرائیلو به ددوې عمليات تر هغه دوام وکړي تر کومه چې اسرائیلو پر غزې او لبنان باندې بریدونه نه وي بند کړي.
د ویلو ده چې اسرائیلو څو ورځې وړاندې په یمن کې پر ځینو سیمو پراخ هوايي بریدونه کړي وو چې له امله ګڼ شمیر کسان شهیدان او ټپیان شوي وو.
