کابل ټکی کام (سه شنبه، ۸ لړم، ۱۴۰۳ل)
د لبنان د اسلامي مقاومت حزب الله ډلې “شیخ نعیم قاسم” د حسن نصرالله د ځای ناستي په توګه ټاکلی دی.
د حزب الله لخوا په خپور شوي بیان کې ویل شوي دي، چې شیخ نعیم قاسم ددې ډلې د پخواني مشر حسن نصر الله چې د سپټمبر په ۲۷ مه نيټه د اسرائیلو د هوايي برید په پایله کې ژوند د لاسه ورکړ ټاکل شوی دی.
د ویلو ده چې د حسن نصر الله له وژل کېدو څخه وروسته ددې ډلې د نوي مشر په اړه چې څوک به ټاکل کیږي ډول ډول ادعاګانو شتون درلود. لومړی هاشم صفي الدین چې د اکتوبر په ۴ مه نیټه د اسرائیلو په برید کې ووژل شو د حسن نصرالله د احتمالي ځای ناستي په توګه د ټاکل کیدو اوازې خپرې شوې خو دا ادعاګانې د حزب الله لخوا رد شوې.
د یادونې وړ ده، چې شیخ نعیم قاسم تر دې وړاندې د حسن نصرالله مرستیال و.
