کابل ټکی کام (سه شنبه، ۸ لړم، ۱۴۰۳ل)
د يمني ځواکونو له لوري په خپره شوې خپرپاڼه کې راغلي چې ځواکونو يې د صهيوني اشغالګرو اهداف په برياليتوب سره په نښه کړي دي.
خبرپاڼه کې راغلي چې دغه اهداف د اشغال شوي فلسطين په عسقلان سميه کې د څو بې پيلوټه الوتکو په مټ په برياليتوب سره له منځه وړي دي.
بايد وویل شي چې د تېر ميلادي کال د اکتوبر مياشتې له اوومې نيټې راهيسي د اشغالګرو صهيونيستانو له لوري په غزه کې د بشر ضد کړنو په غبرګون کې يمني ځواکونو پر صهيونيستي اهدافو ګڼ شمېر بريدونه کړي او ګواښ يې کړي، چې د دغو جرمونو تر پای ته رسېدو پورې به خپلو بريدونو ته دوام ورکوي.
