د حزب الله سره نښتو کې ۱۴ صهیونیستي پوځیان وژل شوي

کابل ټکی کام (پنجشنبه، ۱ لیندۍ، ۱۴۰۳ل)

د راپورونو له مخې جنوبي لبنان کې حزب الله ځواکونو سره نښتو کې ۱۴ تنه صهیونیستي پوځیان وژل شوي او لسګونه نور ټپیان دي.

اسرائیلي پوځ ته نږدې ۱۲ خبري شبکې د پوځي چارواکو په حواله د برید او مرګ ژوبلې پخلی کړی؛ خو د کره شمېرو له په ډاګه کولو یې ډډه کړې ده.

د یادونې وړ ده، چې د تېرې اکتوبر میاشتې له لومړۍ نېټې چې اسرائیلي ترهګرو په جنوبي لبنان کې پوځي عملیات پیل کړي تر دې دمه سلګونه صهیونیستي پوځیانو ته مرګ ژوبله اوښتې ده.