کابل ټکی کام (دوشنبه، ۸ غویی، ۱۴۰۴ل)
د یمن وسلهوالو ځواکونو خبر ورکړی، چې په سره سمندرګي کې د امریکا “ترومان” الوتکه وړونکې بېړۍ او سمندري قطعه باندې بریدونه کړي دي.
د یمني ځواکونو ویاند “جنرال یحیی سریع” یوه ویډیویي پیغام کې ادعا کړې، چې سره سمندرګي کې یې له اشغالګرو امریکایي ځواکونو سره څو ساعته خونړۍ نښتې کړي او درنه مرګ ژوبله یې ور اړولې ده.
جنرال یحیی سریع دغه راز زیاته کړې، چې په اشغالي فلسطین په عسقلان ښار کې یې د صهیونیستي د دښمن پر یوه مهم پوځي هدف د “یافا” په نامه د بې پیلوټه الوتکې بریدونه کړي دي.
د ویلو ده، چې یمني ځواکونه داسې مهال په امریکایي او صهیونیستي اهدافو بریالي بریدونه ترسره کوي، چې تېره شپه امریکایي اشغالګرو د یاد هېواد په “صعده” ولایت وحشیانه هوایي بریدونو کې ۶۸ ولسي وګړي شهیدان شوي وو.
