انصارالله: بن ګوریون هوايي ډګر ته به ټولې الوتنې ودروي بریدونه به دوام لري

کابل ټکی کام (یکشنبه، ۱۴ غویی، ۱۴۰۴ل)
د یمن د انصارالله اسلامي غورځنګ د رهبری شورا غړي “نصرالدین عامر” خبرداری ورکړی، چې د اسرائیلو بن ګوریون هوايي ډګر ته به ټولې الوتنې ودروي او بریدونه به پرې دوام لري.

ښاغلي عامر ویلي، چې د صهیونیستي رژیم پر بنسټیزو اقتصادي او ملکي تاسیساتو بریدونه به تر هغې روان وي، تر څو فلسطین کې د غزې پر مظلومو خلکو وحشیانه یرغل پای ته نه وي رسېدلی.

د یادونې وړ ده چې د یمن وسله وال ځواکونه له تېرو ۲ نیمو کلونو راهیسې د فلسطین له مظلوم ولس سره د ملاتړ په موخه، د اسرائیلو پر لوري بېلابېل توغندیز او ډرون بریدونه کړي دي،چې ګڼ صهیونیستي اهداف یې په نښه کړي او صهیونیستانو ته یې درانه مالي او ځاني زیانونه اړولي دي