کابل ټکی کام (جمعه، ۱۶ غبرګولی، ۱۴۰۴ل)
اسرائیلي رسنیو راپور ورکړی چې له یمن څخه د یو بالستیک توغندی د اسرائيلو پر لور ویشتل شوی دی.
د اسرائیلو امنیتي ادارو د ادعا له مخې، دغه توغندی د یمن له خاورې توغول شوی او هدف یې بن ګورین هوایي ډګر و.
د یمن د انصارالله غورځنګ، چې له تېر یو نیم کال راهیسې د اسرائيلو پر ضد عملیات کوي، تر اوسه د دغه برید مسؤلیت نه دی منلی.
یاده پېښه په داسې حال کې رامنځته کېږي، چې په غزه کې د اسرائيلو د وحشیانه یرغل دوام، سیمه ییز تاوتریخوالی نور هم زیات کړی، او د یمن، لبنان، او عراق له لوري د اسرائيلو پر ضد بریدونه زیات شوي دي.
