کابل ټکی کام (شنبه، ۲۴غبرګولی، ۱۴۰۴ل)
د ایران رسمي تلویزیون خبر ورکړی، چې د صهیونيستي رژيم په وروستي برید کې چې د تهران په «جمران» رهایشي کمپلیکس ترسره شوی، لږ تر لږه ۶۰ ملکي وګړي شهیدان شوي دي.
په راپور کې راغلي، چې د شهیدانو له ډلې ۲۰ تنه ماشومان دي، چې تر دې دمه د ۱۰ تنو ماشومانو جسدونه له کنډوالو را ایستل شوي دي.
د ایران د ژغورنې ډلې چارواکي وایي، چې د نړېدلو ودانیو لاندې لا هم ډېر کسان بند پاتې دي او د ژغورنې عملیات دوام لري.
د وروستیو مالوماتو له مخې، تر دې دمه د ۳۸ تنو جسدونه را ایستل شوي دي، خو وېره ده چې دا شمېر نور هم لوړ شي.
د صهیونيستي رژيم دغه برید د نړیوالو قوانینو ښکاره نقض بلل شوی، چې په ملکي سیمو او بېګناه خلکو ترسره شوی دی.
