کابل ټکی کام (سه شنبه، ۲۷ غبرګولی، ۱۴۰۴ل)
په صهیونیستي ريژیم د ایراني پوځ د ځپونکو بریدونو لړۍ روانه ده او د تازه راپورونو له مخې شیبه وړاندې د اسراییلي پوځ یوه مهمه پوځي هوايي اډه “نیفاتیم” د ایراني بالستیک توغندیو هدف وګرځېده.
د راپورونو له مخې تر برید وروسته یادې پوځي اډه کې درنې چاودنې رامنځته شوي او تورې لوخړې ترې پورته کېږي.
برید په داسې حال کې شوی چې سیمه لا هم د پخوانیو بریدونو له اغېزو نه ده خلاصه شوې.
تر اوسه د اسراییلي پوځ له خوا د تلفاتو یا زیانونو په اړه څه نه دي ویل شوي، خو ځايي رسنیو د برید شدت تایید کړی دی.
