بېړنی خبر: ایران په قطر کې د امریکا پر پوځي هډې توغندیز بریدونه وکړل
کابل ټکی کام (دوشنبه، ۲ چنګاښ، ۱۴۰۴ل)
راپورونه وایي، چې ایران د قطر په خاورې کې د امریکا پر یوې پوځي هډې توغندیز بریدونه کړي دي.
د نړیوالو رسنیو د راپورونو له مخې، د بریدونو په لومړي پړاو کې لږ تر لږه شپږ توغندي د یادې هډې پر هدف لګېدلي دي.
بلخوا ځینې ناتائيد شوي راپورونه څرګندوي، چې په عراق کې هم پر امریکایي پوځي هډو بریدونه پیل شوي دي، خو تر اوسه د دغه خبر رسمي پخلی نه دی شوی.
قطري رسنيو ليکلي، چې په دغه هېواد کې د امريکا دافع هوا سیستم د ايران ورتوغول شوي شپږ ميزايل په هوا کې شنډ کړي دي.
د بریدونو د دقیقو تلفاتو او جزئياتو په اړه تر دې دمه نور معلومات نه دي خپاره شوي.
