کابل ټکی کام (سه شنبه، ۱۷ چنګاښ، ۱۴۰۴ل)
د افغانستان اسلامي امارت د مهاجرينو ستونزو ته د رسېدنې عالي کميسيون د راپور له مخې تېره ورځ تر ۱۶ زره ډېر کډوال بېرته خپل هېواد ته راستانه شوي او بيړنۍ مرستې ورسره شوي.
د راپور له مخې د هېواد له بېلابېلو پولو څخه د اجباري بېرته ستنېدونکو افغان مهاجرینو د ثبت، انتقال، مالي مرستو، روغتیايي او نورو بنسټیزو خدمتونو لړۍ دوام لري. د مهاجرینو ستونزو ته د رسېدنې عالي کمېسیون دارالانشاء د معلوماتو له مخې، د د دوشنبې ورځې په ترڅ کې له تورخم، سپین بولدک، ورېښمو لارې او اسلامکلا څخه ټولټال ۲۵۵۵ کورنۍ (۱۶۷۶۴ تنه) مهاجرین هېواد ته راستانه شوي دي.
له یادو کورنیو څخه ۵۴۶ کورنۍ (۲۸۹۲ تنه) نورو ولایتونو ته انتقال شوې دي.
۲۵۶۷ کورنیو ته د ميلونونو افغانيو په ارزښت نقدي مرستې او دغه راز د ليږد لپاره کرايه ورکړل شوې ده.
۷۲۶ عدده سیمکارتونه له وړیا دقیقو او انټرنټي بستو سره وېشل شوي دي.
د عامه پوهاوي، روغتیا، خوراک او نورو برخو کې لازمي خدمتونه وړاندې شوي دي.
ننګرهار – تورخم
۹۵ کورنۍ (۴۶۱ تنه) راستانه، ۲۷ کورنۍ نورو ولایتونو ته انتقال، ۳۲۶۰۰۰ افغانۍ مالي مرسته، ۱۰۲۷۰۰ افغانۍ کرایه ورکړل شوې او ۳۱۱ سیمکارتونه، روغتیايي او پوهاوي خدمات ورته برابر شوي.
کندهار – سپین بولدک
۲۸ کورنۍ (۱۷۹ تنه) راستانه، ۳۲ کورنۍ انتقال شوې، ۲۴۲۰۰۰ افغانۍ مالي مرسته، ۱۷۵۶۰۰ افغانۍ کرایه، ۵۳۶ خوراکي بسته، ۶۶ سیمکارتونه او نور خدمتونه ورته وړاندې شوي دي.
نیمروز – ورېښمو لار
۳۴۹ کورنۍ (۱۷۹۳ تنه) + ۶۷۲ تنه مسافر راستانه شوي، ۸۳ کورنۍ انتقال، ۳۴۴۸۰۰۰ افغانۍ مالي مرسته، ۳۴۵۰۰۰ افغانۍ کرایه، ۱۲۳۵ تنه درملنه، ۳۴۹ سیمکارتونه، عامه پوهاوی.
هرات – اسلامکلا
۲۰۸۳ کورنۍ (۱۴۳۳۱ تنه) ثبت شوي، ۱۷۸۰۶۰۰۰ افغانۍ مرسته ورکړل شوې.
کابل – مرکز
۴۰۴ کورنۍ (۲۲۲۵ تنه) شمالي ولایتونو ته انتقال، ۱۰۲۸۳۵۰
افغانۍ کرایه ورکړل شوې.
د مهاجرینو ستونزو ته د رسېدنې عالي کمېسیون اړوند کمېټو د هېواد له څلورو عمده پولو او مرکز کابل څخه راستانه شویو مهاجرینو ته د بېړنیو اړتیاوو پوره کولو په موخه، اړین خدمتونه وړاندې کړي دي. د دغو هڅو موخه د مهاجرینو عزتمند بېرته راستنېدنه او ټولنیز ثبات دی.
