کابل ټکی کام (شنبه، ۲۱ چنګاښ، ۱۴۰۴ل)
د ایران ستر مذهبي مشر آیتالله علي خامنهيي د قطر په العدید هوايي اډې د وروستي برید په تړاو تازه څرګندونې کړي او ویلي یې دي چې دا پېښه کوچنۍ نه، بلکې ستره او مهمه وه، چې شونې ده بیا هم تکرار شي.
خامنهيي نن ورځ پر خپله اېکسپاڼه (پخوانی ټویټر) لیکلي:
> “ایران د امریکا یوې مهمې پوځي اډې باندې برید کړی، چې له امله یې دغه هېواد ته ستر زیان رسېدلی دی.”
هغه ټینګار کړی چې تهران اوس په سیمه کې د امریکا ټولو پوځي اډو ته لاسرسی لري، او که اړتیا وي، هر وخت کولی شي د هغوی پر وړاندې پوځي اقدامات ترسره کړي.
تر دې دمه د امریکا لهخوا د خامنه ای وروستیو څرګندونو ته کوم رسمي غبرګون نه دی ښودل شوی؛ خو د سیمې امنیتي څارونکي دا یو جدي ګواښ، چې ښایي د واشنګټن او تهران ترمنځ کړکېچ نور هم ژور کړي.
