کابل ټکی کام (دوشنبه، ۲۳ چنګاښ، ۱۴۰۴ل)
د اسلامي مقاومت حماس د پوځي څانګې عزالدین القسام لوا ویاند، ابو عبیده، د محمد الضیف د شهادت د کلیزې په مناسبت ویلي، چې نوموړی به د صهیونیستي اشغالګرو لپاره تل یو بد خوب پاتې شي.
ابو عبیده د ټلیګرام له لارې په خپرو شویو پیغامونو کې ویلي، چې محمد الضیف د “اقصی طوفان” عملیات رهبري کړل او اشغالګرو ته یې په تاریخ کې تر ټولو سخت ګوزار ورکړ.
نوموړي زیاته کړه، چې دغه عملیات د صهیونیستي رژیم د د ځواک شعار له منځه یووړ، امت یې متحد کړ او د فلسطین قضیه یې بیا د نړۍ د توجه مرکز کړه.
ابو عبیده وویل چې د محمد الضیف وینه د فلسطین د هغو شهیدانو له وینو سره ګډه شوه چې د اقصی لپاره یې خپل ارزښتناک ځانونه قربان کړل.
د ابو عبيده په خبرو کې محمد الضیف د معاصرې زمانې د سترې مقاومتي ډلې له بنسټايښودونکو څخه یاد شوی او ویل شوي، چې نوموړی تر درېیو لسیزو د اشغال پر ضد مبارزه وکړه او نوم یې به تل د صهیونیستي رژیم لپاره وېره وي.
بايد وويل شي، چې حماس رسما د روان کال د جنورۍ په ۳۰مه نيټه، له څو نورو لوړپوړو قومندانانو سره یو ځای د محمد الضيف د شهادت پخلی وکړ.
