کابل ټکی کام (پنجشنبه، ۳۰ زمری، ۱۴۰۴ل)
د هلمند سیمهییز چارواکي وايي، د دغه ولایت په باباجي ولسوالۍ کې د څه باندې یو میلیون او ۷۵۰ زره امریکايي ډالرو په لګښت یو معیاري سړک جوړ او ګټې اخیستنې ته وسپارل شو.
د هلمند د والي ویاند مولوي محمدقاسم ریاض وايي، دغه سړک ۱۰.۵ کیلومتره اوږدوالی لري او د انجینري له معیارونو سره سم جوړ شوی دی.
د نوموړي په وینا، د سړک جوړېدل به د خلکو په ورځني ژوند کې اسانتیاوې رامنځته کړي او په کرنه، سوداګرۍ، ښوونیزو خدمتونو او اقتصادي وده کې به مهم رول ولوبوي.
د سړک جوړونې کمېټې مشر شیخ مولوي عبدالولي اغا ویلي، د پروژې ټول کارونه د دقیقې څارنې لاندې ترسره شوي او د کیفیت له پلوه د اعتماد وړ دي.
