په کابل کې د ۲۰ میلیونه ډالرو په لګښت د اوسپنې ستره فابریکه جوړیږي
کابل ټکی کام (جمعه، ۳۱ زمری، ۱۴۰۴ل)
په کابل کې د کټوازي ګروپ له لوري د اوسپنې د ویلي کولو د یوې سترې فابریکې د جوړولو چارې پیل شوي دي.
د مسوولینو په وینا، د یادې فابریکې د جوړولو لپاره ۲۰ میلیونه ډالر لګښت برابریږي او تمه ده چې د یو کال په موده کې بشپړه شي او د تولید پیل لپاره چمتو شي.
سرچینې زیاتوي، دغه فابریکه به هره ورځ شاوخوا ۳۰۰ ټنه سیخګول تولید کړي او په مستقیم او غیرمستقیم ډول به سلګونه ځوانانو ته د کار زمینه برابره شي.
