په پنجشېر کې د کورنیو تولیداتو درې ورځنی نندارتون پرانیستل شو
کابل ټکی کام (یکشنبه، ۲ وږی، ۱۴۰۴ل)
د صنعت او سوداګرۍ وزارت وايي، په پنجشېر ولایت کې د کورنیو تولیداتو او محصولاتو درې ورځنی نندارتون پیل شوی دی.
د وزارت په وینا، د یاد نندارتون موخه د کورنیو تولیداتو بازارموندنه، د ملي صنعت پراختیا او خلکو ته د کورنیو محصولاتو د کارونې هڅونه ده.
په نندارتون کې د بېلابېلو سکتورونو تولیدات او توکي په شل غرفو کې د خلکو د لېدلو او پېژندلو لپاره نندارې ته اېښودل شوي دي.
