برېتانیا د افغانستان له زلزلهځپلو سره د ۳ میلیونه پونډو نوې مرسته اعلان کړه
کابل ټکی کام (چهارشنبه، ۲۶ وږی، ۱۴۰۴ل)
د برېتانیا د بهرنیو چارو وزارت ويلي، چې هېواد به یې د افغانستان له زلزلهځپلو سره د ۳ میلیونه پونډو بېړنۍ مرسته وکړي.
سرچینې زیاتوي، چې دغه مرسته د هغو ۱ میلیونه پونډو تر څنګ ده، کومه چې د روانې میاشتې پر ۱۱مه نېټه د افغانستان د زلزلهځپلو لپاره اعلان شوې وه.
د راپورونو له مخې، د دې مرستې لګښت به د خپلواکو غیر دولتي بنسټونو او مؤسساتو له لارې تر سره شي.
