کابل ټکی کام (يکشنبه، ۶ تله، ۱۴۰۴ل)
نن د افغانستان د اسلامي امارت د بهرنیو چارو وزیر مولوي امیر خان متقي د امریکا د ولسمشر د ځانګړي استازي اډم بولر په مشرۍ له امریکايي پلاوي سره وکتل.
ښاغلي متقي وویل، د ا.ا.ا. له لوري امریکايي تبعه امیري نن له بنده خوشې شو، او دا ګام د سیاسي لید پر ځای د بشري اړخ په اساس پورته شوی دی.
هغه زیاته کړه، اسلامي امارت باور لري چې د ډیپلوماسۍ له لارې د ستونزو د حل لارې شته، او د امریکايي تبعه خوشې کول په همدې لړ کې یو مثبت پرمختګ دی.
نوموړي د بندیانو د خلاصون په برخه کې د قطر د دولت له مهم رول څخه هم مننه وکړه.
د امریکا ځانګړي استازي د امارت له پرېکړې هرکلی وکړ او دا یې یوه ښه شېبه وبلله.
هغه د دواړو لوریو ترمنځ د خبرو پخوانی پړاو رغنده یاد کړ او هیله یې څرګنده کړه چې پاتې مسایلو باندې به هم خبرې دوام پیدا کړي.
