کابل ټکی کام (شنبه، ۱۹ تله، ۱۴۰۴ل)
اسراییلي پوځ خبرداری ورکړی چې په غزه کې له هغوی سره همکاره ملېشې یا وسلهوالې ډلې به اسراییلو ته د داخلېدو اجازه ونهلري او باید د خپلو پرېکړو عواقب په یوازیتوب ومني.
په اعلامیه کې ټینګار شوی چې پر هېچا جګړه نه ده تحمیل شوې او همکاره عناصر باید د خپلو پريکړو مسوولیت په خپله ومني.
په خانیونیس کې د اسرائيلي پوځ د همکارې مليشې یو قوماندان، حسام الأسطل، اسراییلي رسنیو ته ویلي چې حماس غواړي د دولتي بڼې په نوم خپل نفوذ ښکاره او د ابوشباب په څېر ډلې تعقیب او له منځه یوسي، هغه زیاته کړې: «موږ به ورسره مخامخېږو، جګړې ته تیار یو او موږ بریالیتوب لرو.»
دغه راز یو عبري وېبسایټ راپور ورکړی چې د یاسر ابوشباب سر اوس د حماس په لاس کې دی او هر وخت يې چې وغواړي له منځه يې وړلای شي.
د راپورونو له مخې، یاسر ابوشباب په ۲۰۲۳ کې یوه ډله جوړه کړې چې پکې د حکومت پخواني چارواکي او د مخدره توکو سوداګر هم شامل وو؛ دوی د مرستندویه قافلو غلا کوله او بیرته يې دغه مرستې پلورلې او د اسراییلي ملاتړ له لارې یې سیمه کې بدیل محلي واک ټینګ کړی و.
همدارنګه ویل کېږي هغه له اسراییلو سره همکاري کړې او د خلکو د بېځایه کولو په پروسو کې یې رول درلود.
