کابل ټکی کام (سه شنبه، ۲۹ تله، ۱۴۰۴ل)
د قطر امیر، شیخ تمیم بن حمد آل ثاني، ویلي دي چې اسراییلو د نړیوالو قوانینو او د دولتونو ترمنځ د اړیکو اصول په بشپړ ډول مات کړي دي.
نوموړي د تېرو دوو کلونو په غزه کې د بريدونو په اړه ویلي، چې په دغه سیمه کې د اسراییلو کړنې د خلکو د قتل عام په توګه ارزول شوي، او د نړیوالې ټولنې پاتې راتلل د فلسطین د خلکو د حقونو د ساتنې لپاره اندېښمنوونکي دي.
آل ثاني د اسراییلو کړنې په کلکه غندلي او پر نړیواله ټولنه یې غږ کړی چې د فلسطین خلکو ته خونديتوب برابر کړي او د نسل وژنې عاملین محاکمه کړي.
هغه ټینګار کړی چې د غزې بريدونه د نړیوال قانوني او انساني چوکاټ له مخې د محاسبې وړ دي او هېڅوک باید له دې عمله خلاصون ونه مومي.
