سوډان؛ د پلازمینې له ځینو سیمو د حکومتي ځواکونو تر شاتګ وروسته چټک غبرګون ځواکونو پوځي هوایي ډګر نیولی
کابل ټکی کام (دوشنبه، ۵ لړم، ۱۴۰۴ل)
العربیه تلویزیوني شبکې راپور ورکړی، چې د سوډان چټک غبرګون ځواکونو د پلازمینې خارطوم په ځینو سیمو کې پرمختګ کړی او یو پوځي هوایي ډګر یې نیولی دی.
خو د سوډان حکومتي سرچینې دا ادعا ردوي او وایي چې جګړه لا هم روانه ده.
دواړه لوري یو بل د تبلیغاتو په خپرولو تورنوي، خو حال دا چې د جګړې له سیمو د درنو نښتو او چاودنو راپورونه ورکړل شوي دي.
