ترکیه: چمتو یو د غزې امنیت په غاړه واخلو؛ خو اسرائیل مخالفت کوي
کابل ټکی کام (دوشنبه، ۲۶ لړم، ۱۴۰۴ل)
د ترکيې حکومت ويلي، چې هېواد یې چمتو دی، چې د غزې تړانګې امنیتي مسؤولیت پر غاړه واخلي؛ خو دا اقدام د اسرائیلي لوري له مخالفت سره مخ شوی دی.
د ترکيې د بهرنیو چارو وزارت چارواکو ویلي، که نړیوال توافق رامنځته شي، ترکیه چمتو ده خپلې سولهساتې او امنیتي ډلې غزې ته واستوي، څو د ملکي وګړو خوندیتوب او سیمهییز ثبات وساتي.
خو اسرائيلي مقامات څرګنده کړې چې هغوی د ترکي ځواکونو حضور نه مني او وايي، دا به د سیمې امنیتي وضعیت لا پېچلی کړي.
ترکیه، چې حماس غورځنګ سره نږدې اړیکې لري، تل یې پر غزه د اسرائيلو یرغلونه غندلي او د اوربند غوښتنه یې کړې ده.
دا څرګندونې داسې مهال کېږي، چې د غزې بشري وضعیت ورځ تر بلې خرابېږي او نړیوال هڅه کوي غزه کې اوربند ته تلپاتې بڼه ورکړي ؛خو تر اوسه یې کومه پایله نه ده لرلې.
