کابل ټکی کام (چهارشنبه، ۱ سلواغه، ۱۴۰۴ل)
امریکایي رسنیو راپور ورکړی، چې د امریکا د دفاع وزارت «پنتاګون» پرېکړه کړې، د ناټو اړوندو سلاکارانه ډلو کې د متحده ایالاتو پوځي حضور راکم کړي. دا ګام د امریکا د پوځي ښکېلتیا د بیا ارزونې په چوکاټ کې اخیستل کېږي.
د «واشنګټن پوسټ» د راپور له مخې، دغه بدلون به شاوخوا ۲۰۰ امریکایي سرتېري اغېزمن کړي او د ناټو ۳۰ د وړتیاوو یا تخصصي مرکزونو کې به د امریکا د ګډون کچه ټیټه کړي. دغه مرکزونه د ناټو ځواکونو ته د جګړیزو عملیاتو د پلان او مدیریت په مهمو برخو کې روزنه ورکوي.
سرچینې وایي، پنتاګون د ناټو له یادو مرکزونو څخه د فوري وتلو اراده نه لري، بلکې هغه پرسونل چې د دندې موده یې پای ته رسېږي، نه به بدلېږي. د راپور له مخې، سره له دې بدلونونو به د ناټو په فعالیتونو کې د امریکا ګډون په بشپړه توګه نه درېږي.
