کابل ټکی کام (چهارشنبه، ۸ سلواغه، ۱۴۰۴ل)
د افغانستان د برېښنا شرکت لوړ ولټاژ تخنیکي کارکوونکو د پلخمري–کابل د ۲۲۰ کېلوولټ برېښنا پرې شوی سرکېټ په لنډ مهاله توګه بېرته ونښلولو.
برېښنا شرکت وايي، یاد سرکېټ د وروستیو درنو واورو او توپانونو له امله د سالنګ په سیمه کې زیانمن شوی و، چې د تخنیکي ټیم له خوا موقتي ترمیم پرې شوی.
د برېښنا شرکت ویلي، د اساسي رغونې چارې به وروسته پیل شي او د ترمیم وروسته به د کابل او اړوندو ولایتونو برېښنا په بشپړ ډول عادي حالت ته راشي.
دغه اقدام د کابل او یو شمېر نورو ولایتونو د برېښنا د بېرته عادي کولو په موخه ترسره شوی دی.
