په وینزویلا کې د دوو پرلهپسې زلزلو د قربانیانو شمېر ۱۴۳۰ تنو ته ورسېد
کابل ټکی کام (يکشنبه، ۸ چنګاښ، ۱۴۰۵ل)
د وینزویلا چارواکو اعلان کړی، چې د ۷.۲ او ۷.۵ درجې دوو پرلهپسې زلزلو له امله د مړو شمېر ۱۴۳۰ تنو ته لوړ شوی، ۳۲۳۸ کسان ټپیان شوي او کورنیو د څه باندې ۶۸ زره او ۹۰۰ کسانو د ورکېدو راپور ورکړی دی.
د ژغورنې نړیوال او کورني ټیمونه د وخت پر وړاندې سیالي کوي او د درنو ماشینونو او خپلو لاسونو په وسیله د نړېدلو ودانیو تر خاورو لاندې د ژوندي پاتې شویو کسانو د موندلو هڅې روانې ساتلي دي.
چارواکي وایي، د سختې ګرمۍ او نامناسبو هوايي شرایطو له امله د ژغورنې عملیات له ګڼو ستونزو سره مخ دي، په ځانګړي ډول د لا ګوایرا ایالت کې، چې د زلزلې تر ټولو ډېر زیان ورته اوښتی دی.
