کابل ټکی کام (دوشنبه، ۱۱ کب، ۱۴۰۴ل)
اسراییلي رسنیو راپور ورکړی، چې د تل ابیب او ایلات په ګډون په یو شمېر نورو ښارونو کې د سترو چاودنو غږونه اورېدل شوي دي.
راپورونه وایي چې په سیمه کې د خطر زنګونه فعال شوي او خلکو ته ویل شوي چې خوندي پناهځایونو ته ولاړ شي.
تر اوسه یادو چاودنو کې د مرګژوبلې په اړه رسمي معلومات نه دي خپاره شوي.
امنیتي او بیړني خدماتي ټیمونه سیمو ته استول شوي او وضعیت له نږدې څارل کېږي.
د ویلو ده، چې څو ګړۍ وړاندې د ایران سپاه پاسداران ځواکونو پر اشغالي فلسطین د پراخو عملیاتو پیلولو ادعا کړې وه.
