سپاه پاسداران: د امریکا «ابراهام لنکن» الوتکوړونکې بېړۍ یې په نښه کړې
کابل ټکی کام (دوشنبه، ۱۱ کب، ۱۴۰۴ل)
د ایران د اسلامي انقلاب ساتونکي ځواک (سپاه پاسداران) اعلان کړی چې ځواکونو یې د امریکا د سمندري ځواکونو الوتکوړونکې بېړۍ USS Abraham Lincoln د څلورو کروز توغندیو په وسیله په نښه کړې ده.
د یاد ځواک په وینا، برید له ترسره کېدو وروسته یادې بېړۍ د خپلې دندې له سیمې څخه حرکت کړی او د هندي سمندر سوېل ختیځ لور ته تللې ده.
تر دې مهاله د زیانونو او مرګژوبلې په اړه کره جزییات نه دي خپاره شوي.
امریکايي چارواکو تر اوسه په رسمي ډول د دې ادعا په اړه څه نه دي ویلي.
