کابل ټکی کام (دوشنبه، ۱۱ کب، ۱۴۰۴ل)
د ترکي رسنیو د راپورونو له مخې، ایراني ځواکونو د انجرلیک کې د امریکایي ځواکونو یو مرکز د دقیق توغندیز برید لاندې راوستی دی.
راپورونه وایي، د دې برید هدف د هغو حملو مخنیوی و، چې د امریکا ځواکونو په تېرو ۲۴ ساعتونو کې د ایران شمال لوېدیځو سیمو کې ترسره کړي دي.
ایراني چارواکو ویلي، چې له یاد مرکز د الوتنو مخنوی د ایران لپاره اړین اقدام و، څو د خپلو خلکو او سیمو د خوندي کولو په موخه د بریدونو مخه ونیسي.
په ورته وخت کې ایران پاکستان ته هم خبرداری ورکړی، چې ګواکې په پاکستان کې ځینې پوځي اډې د متحده ایالاتو له لوري د ایران پر ضد کارول شوې دي او تهران به ډېر ژر د دغو اډو پر وړاندې هم مناسب اقدامات وکړي.
تر اوسه د دغو ادعاوو په اړه د ترکي او امریکایي رسمي سرچینو غبرګون نه دی ښودلی.
