کابل ټکی کام (دوشنبه، ۱۱ کب، ۱۴۰۴ل)
د راپورونو له مخې، ایران د “وعد صادق ۴” په نامه د روانو پوځي عملیاتو ۱۲مه څپه پيل کړې، چې پکې پالستیک، هایپرسونیک توغندي او بېپیلوټه الوتکې په کارول کېږي.
ایراني پوځ ته نږدې سرچینې وایي، په دې پړاو کې د توغندیزو بریدونو ترڅنګ پرمختللي بې پیلوټه الوتکې هم د هدفونو د څار او ویشتلو لپاره کارول کېږي.
راپورونه زیاتوي، چې ایران دا ځل له نوو وسایلو او ټیکنالوژۍ ګټه اخلي، څو د عملیاتو دقت او اغېزمنتیا لوړه کړي.
که څه هم د دغو نویو تجهیزاتو په اړه کره جزیات نه دي خپاره شوي، خو پوځي شنونکي باور لري، چې د توغندیو او ډرونونو ګډ استعمال کولی شي د اسرائیلو د هوايي دفاع سیستمونه بوخت کړي او د هدفونو د دقیقې نښه کولو وړتیا زیاته کړي.
په ورته مهال د اسرائیلو ۱۲ خبري آژانس خبر ورکړی، چې ګڼ ایراني توغندي تل ابیب ته پر لاره دي او ځینې یې په اهداف لګېدلي چې پراخې ویجاړۍ یې رامنځته کړي دي.
