کابل ټکی کام (سه شنبه، ۲۶ کب، ۱۴۰۴ل)
د بلوچستان ایالتي شورا پخواني مشر، وحید بلوچ ویلي چې پر افغانستان د پاکستان وروستي بریدونه د امریکا او اسرائیلو په همغږۍ ترسره کېږي.
د هغه په وینا، پاکستان په خپل کمزوري اقتصادي وضعیت کې د دوامداره بمباریو توان نه لري او دا لګښتونه د واشنګټن او تل ابیب له لوري تمویلېږي.
بلوچ زیاته کړې چې پاکستان له ۱۹۷۸ کال راهیسې د بهرنیو مرستو د ترلاسه کولو لپاره په افغانستان کې د بېثباتۍ د رامنځته کولو هڅه کړې ده. نوموړي دا وضعیت د سیمې لپاره زیانمن وباله.
هغه د ډیورنډ فرضي کرښې هغې غاړې ته له پرتو ولسونو وغوښتل چې د افغانانو ترڅنګ ودریږي او د دغو بریدونو عاملین د ځواب ویلو ته اړ کړي.
