پوليسو په ننګرهار، خوست او کابل کې د وسایطو، کورونو او جیبونو غلاکوونکي بانډونه نيولي
کابل ټکی کام (يکشنبه، ۹ وری، ۱۴۰۴ل)
د ننګرهار امنیه قومندانۍ د لومړۍ امنیتي حوزې پولیسو درې تنه مسلکي وسایطو غله ونیول، چې په جلالاباد ښار کې یې موټرونه غلا کول او وروسته یې د بدلون او رنګ لپاره پټو ځایونو ته وړل.
پولیسو له یادو کسانو سره د غلا شویو موټرو پرزې، نمبرپلېټونه او یو غلا شوی موټر هم ترلاسه کړی دی. درې واړه کسانو خپل جرم منلی او د عدلي او قضایي ارګانونو ته وسپارل شول.
همدارنګه د خوست امنیه قومندانۍ پولیسو څلور تنه وسلهوال غله ونیول، چې په نظامي یونیفورم کې به د خلکو کورونو ته ورتلل او د وسلو او فزیکي چلند په کارولو سره به یې لوټ مار کاوه. نیول شوي کسان د مټه چینه سیمه کې یو کور لوټ کړی و او خپل جرم یې منلی دی. د پېښې د نورو ښکېلو کسانو نیولو هڅې روانې دي.
د کابل امنیه قومندانۍ د لسمې حوزې امنیتي پولیسو دوه بانډونه غله ونیول، چې د خلکو جیبونه یې لوټ کړي و او له دوه عراده موټرو سره ونیول شول. ټول مظنونین په خپلو جرمونو اعتراف کړی دی. دا خبر د کابل ټکی کام له معلوماتو او د اړوندو امنیې قومندانۍ سرچینو پر بنسټ چمتو شوی دی.
