سپاه پاسداران: د امریکایي-اسرائیلي قوماندانانو استوګنځي به په نښه کړو
کابل ټکی کام (دوشنبه، ۱۰ وری، ۱۴۰۵ل)
د ایران د اسلامي انقلاب ساتونکي ځواک “سپاه پاسداران” خبرداری ورکړی، چې د امریکا او اسرائیلو د وروستیو بریدونو په غبرګون کې به د دوی د قومندانانو او سیاسي مسؤلینو استوګنځي په سیمه او د فلسطین په اشغال شویو سیمو کې په نښه کړي.
په اعلامیه کې راغلي، دا پرېکړه د ایران پر ښارونو د وروستیو بریدونو او د ملکي کورونو د په نښه کولو په ځواب کې شوې ده.
