کابل ټکی کام (سه شنبه، ۱۱ وری، ۱۴۰۵ل)
ایراني ځواکونو د خپلو پوځي عملیاتو په دوام کې یو ځل بیا د اشغالي فلسطین په بېلابېلو سیمو کې د صهیونیستي رژیم مهم اهداف په نښه کړي دي.
د راپورونو له مخې، په دغو بریدونو کې بالستیک او هایپرسونیک توغندي سربېره له پرمختللو بېپیلوټه الوتکو هم کار اخیستل شوی دی.
ویل کېږي، چې دا بریدونه یافا (تل ابیب)، حیفا، عسقلان او یو شمېر نورو سیمو کې ترسره شوي، چې پکې د صهیونیستي پوځ مهم تاسیسات، د بنګورین هوايي ډګر، د څارګرو ادارو مرکزونه او د دفاع وزارت ودانۍ هدف ګرځول شوې دي.
د ایراني پوځ ویاند “ابراهیم ذالفقار” د بریدونو مسؤلیت منلی او د پراخو ویجاړیو او مرګ ژوبلې ادعا یې کړې ده؛ خو اسرائیلي لوري بیا یوازې د بریدونو پخلی کړی ده.
