کابل ټکی کام (شنبه، ۱۵ وری، ۱۴۰۵ل)
د امریکا دفاع وزارت (پنټاګون) اعلان کړی، چې د ایران پر ضد روانو عملیاتو کې تر اوسه ۱۳ امریکایي سرتېري وژل شوي او ۳۶۵ نور ټپیان شوي دي.
د خپرو شویو معلوماتو له مخې، د ټپیانو ډېره برخه د ځمکني ځواک پورې تړاو لري.
په خبر کې راغلي، چې په ټپیانو کې ۲۴۷ تنه د ځمکني ځواک، ۶۳ تنه د سمندري ځواک، ۱۹ تنه د سمندري پلي ځواکونو او ۳۶ تنه د هوايي ځواک غړي شامل دي.
پنټاګون زیاته کړې، چې د ټپیانو له ډلې شاوخوا ۲۰۰ تنه منځني او لوړپوړي پوځي افسران دي، چې دا چاره د پوځ لپاره د پام وړ زیان بلل کېږي.
د راپور له مخې، دغه مرګژوبله د ایران پر ضد د ترسره شوو عملیاتو په ترڅ کې رامنځته شوې ده، خو د جګړې د دقیقو ځایونو او نورو جزییاتو په اړه نور معلومات نه دي ورکړل شوي.
