کابل ټکی کام (شنبه، ۲۲ وری، ۱۴۰۵ل)
اسلاماباد ته د ایران د تسنیم خبري اژانس لېږل شوي خبریال ویلي، چې د امریکا او ایران ترمنځ خبرې لا نه دي پیل شوي او تمه ده چې د ورځې په دویمه نیمایي، له غرمې وروسته پیل شي.
د نوموړي د معلوماتو له مخې، لومړی به د دواړو هېوادونو پلاوي په جلا توګه د پاکستان له لومړي وزیر شهباز شریف سره وګوري او تر هغې وروسته به رسمي مذاکرات پیل شي.
راپورونه وایي، چې دا خبرې د دواړو هېوادونو ترمنځ د روانو کړکېچونو د کمولو او د اړېکو د راتلونکي څرنګوالي د ارزونې لپاره مهمې بلل کېږي.
