کابل ټکی کام (شنبه، ۲۲ وری، ۱۴۰۵ل)
راپورونه وایي، چې د امریکا د سمندري ځواک یوه قیمتي بېپیلوټه الوتکه د هرمز تنګی پر سر ورکه شوې ده.
د معلوماتو له مخې، دغه الوتکه د سیمه کې د بیړني حالت تر اعلان وروسته په ماموریت بوخته وه، خو په ناڅاپي ډول یې لوړوالی له لاسه ورکړ.
سرچینې زیاتوي، چې الوتکه تر ۱۰ زره فوټه پورې راکمه شوه او وروسته یې سیګنال پرې شو.
تر اوسه د الوتکې د ورکېدو اصلي لامل نه دی روښانه شوی او اړوندې ادارې په دې اړه پلټنې کوي.
ویل کېږي، چې د دې ډول یوې بېپیلوټه الوتکې بیه له ۲۰۰ میلیونه امریکایي ډالرو څخه زیاته ده، چې دې یې مالي او پوځي اهمیت لا ډېر کړی دی.
