کابل ټکی کام (سه شنبه، ۱ غویی، ۱۴۰۵ل)
په داسې حال کې، چې ټاکل شوې ده د امریکا مرکچي پلاوی نن سه شنبه ناوخته د پاکستان پلازمینې اسلام آباد ته ورسیږي؛ خو ایران د فشار تر سیوری لاندې خبرو کې ګډون رد کړی، پاکستاني رسنۍ وایي، چې د دغه هېواد د پوځ مشر “جنرال عاصم منیر” امریکایي ولسمشر “ټرمپ” سره تلیفوني خبرو کې له نوموړي غوښتي، چې محاصره خبرو کې ستر خنډ دی او باید پای ته ورسول شي.
په ورته مهال سپینه ماڼۍ کې چارواکو ویلي، چې ولسمشر ټرمپ په مؤقت ډول د محاصرې په کمولو یا په بشپړه توګه د ختمولو په انتخاب غور کوي.
پاکستاني رسنیو بیا راپور ورکړی، چې د ایران د مرکچي پلاوي تخنیکي ټیمونه اسلام آباد ته رسیدلي؛ خو تهران یې په اړه په رسمي توګه څه نه دي ویلي.
