پر اوکریین د روسیې تازه بریدونه؛ لسګونو کسانو ته مرګ ژوبله اوښتې
کابل ټکی کام (یکشنبه، ۶ غویی، ۱۴۰۵ل)
د راپورونو له مخې، روسي ځواکونو د اوکراین په سوېل ختیځ ښار “دنیپرو” کې د بېپیلوټه الوتکو او توغندیو پرلهپسې بریدونه کړي، چې له امله یې لږ تر لږه لس کسان وژل شوي او لسګونه نور ټپیان دي.
د سیمې والي “اولېکساندر هانژا” ویلي، چې یوازې په ښار کې اته کسان وژل شوي او ۴۹ نور ټپیان دي.
د هغه په وینا، د ټپیانو له ډلې د یو شمېر هغو روغتیايي وضعیت نازک ښودل شوی دی.
نوموړي زیاته کړې چې “دنیپرو” ښار د روسیې او اوکراین ترمنځ د څه باندې څلورو کلونو جګړې په جریان کې څو ځله په نښه شوی او بیا-بیا پرې بریدونه شوي دي.
دا بریدونه په داسې حال کې ترسره کېږي چې جګړه لا هم دوام لري او ملکي وګړي یې تر ټولو ډېر زیان ویني.
