کابل ټکی کام (يکشنبه، ۶ غویی، ۱۴۰۵ل)
د خوست د والي ویاند مستغفر ګربز ویلي، د دغه ولایت په بېلابېلو سیمو کې څه باندې ۶۸۰ جریبه ځمکه د امارتي ملکیت په توګه تثبیت او ثبت شوې ده.
د نوموړي په وینا، له تثبیت شویو ځمکو څخه ۴۳۰.۲۴ جریبه د مرکز په اړوند سیمو کې، ۲۵۰ جریبه د ځاځي میدان ولسوالۍ، ۰.۱۷ جریبه د صبریو او یعقوبیو ولسوالۍ او ۰.۲ جریبه د اسماعیلخېلو-مندوزیو ولسوالۍ کې ثبت شوې ده.
مسوولين زیاتوي، دغه ځمکې د قانوني ارزونو او تخنیکي څېړنو له بشپړېدو وروسته د امارتي ملکیت په توګه ثبت شوې دي او تمه ده چې دا اقدام به د عوایدو په زیاتوالي، د ځمکو په اغېزمنې استفادې او منظم مدیریت کې مهم رول ولوبوي.
