کابل ټکی کام (سه شنبه، ۸ غویی، ۱۴۰۵ل)
د روسي رسنیو د راپورونو له مخې، د افغانستان لپاره د روسیې د ولسمشر ځانګړی استازی ضمیر کابلوف د رسمي سفر په ترڅ کې کابل ته راغلی دی.
ویل کېږي، نوموړي له افغان چارواکو سره لیدنې او خبرې کړي او لا یې ځینې ناستې روانې دي.
راپورونه وایي، د دغه سفر اصلي موخه د افغانستان او روسیې ترمنځ د دوه اړخیزو همکاریو پراخول او د سیمهییز تعامل پیاوړتیا ده.
سرچینې زیاتوي، په خبرو کې د اقتصادي، سیاسي او څو اړخیزو اړیکو پر پراختیا هم بحث شوی دی.
روسي سرچینو ویلي، په دغو لیدنو کې د افغانستان په ګډون د سیمې د همکاریو پر پیاوړتیا هم خبرې شوې دي.
تر اوسه د افغان چارواکو له لوري د دغه سفر او لیدنو په اړه تفصیلي رسمي معلومات نه دي خپاره شوي.
