درې لوړپوړي دولتي نوماندان ولسي جرګې ته ورمعرفي شول
کابل ټکی کام ۱۶حمل/۱۳۹۵، احمدالله مهاجر
د ولسمشر اشرف غني دویم مرستیال محمد سرور دانش نن ولسي جرګې ته د کورنیو چارو وزارت، لویې څارنوالۍ او د سترې محکمې عالي شورا غړیتوب ته نوماندان ور معرفي کړل.
د کورنیو چارو وزارت ته تاج محمد جاهد، لویې څارنوالۍ ته فرید حمیدي او همدا راز د سترې محکمې عالي شورا ته محمد زمان سنګري معرفي شوي دي.
محمد سرور دانش د ولسي جرګې له هر یوه غړي څخه وغوښتل، تر څو دغو نوماندانو ته ښې رایې ورکړي.
