د تېرو ورښتونو له کبله د کونړ د ناړۍ او غازي اباد د تړل شويو لارو غمه تراوسه نه ده خوړل شوې
کابل ټکی کام ۲۱حمل/۱۳۹۵، احمدالله مهاجر
د وروستیو سختو ورښتونو او سېلابونو له کبله له غره څخه تیږې او خټې راوښوېدلې، چې له کبله یې د کونړ د ناړۍ او غازي اباد ولسوالیو لارې د ترافیکو پر مخ تړل شوي دي.
دا مهال د دغو ولسوالیو اوسېدونکي وایي، چې له تېرو دوو اونیو راهیسې یې کلیو ته غځېدلې لاره د ترافیکو پر مخ تړل شوې ده.
ځايي اوسېدونکي وايي، چې د دغې لارې د بندېدو له کبله د ناروغانو، ښځو، ماشومانو او د خوراکي توکو لېږد رالېږد سخت شوی دی.
دوی زیاتوي، چې دولتي چارواکو د دغې لارې د خلاصولو ژمنه ورسره کړې وه، خو د عمل په میدان کې ناکام پاتې دي.
له بلې خوا د کونړ ولایت امنیه قومندان مل پاسول عبدالحبیب سید خېل رسنیو ته سینه ډبولې او ویلي یې دي، چې ځواکونه یې پوره چمتووالی لري چې يادې لارې پرانيزي.
