ولسمشر غني: له وسله والو مخالفینو سره په افغانستان کې د سولې لپاره هېڅ لاره نشته

کابل ټکی کام ۰۶غويي/۱۳۹۵، احمدالله مهاجر
ولسمشر اشرف غني نن په یوه مشورتي غونډه کې چې د ملي شورا غړو هم پکې ګډون درلود، وویل، چې له وسله والو مخالفینو سره په افغانستان کې د سولې هېڅ لاره نشته.
ولسمشر غني وویل، چې طالبان، القاعده او داعش د افغانستان دښمنان دي، او سوله نه ورسره کوو.
ولسمشر غني همدا راز وویل، چې له پاکستان څخه دا تمه نه لري، چې طالبان دې د خبرو مېز ته کېنوي.
ولسمشر له پاکستان څخه غوښتنه وکړه، چې باید د څلور اړخیزو غونډو د پرېکړو پر اساس د طالبانو پر خلاف پوځي عملیات پیل کړي.
نوموړي غونډې ته د وینا پر مهال خبردارۍ ورکړ، که پاکستان د وسله والو پر خلاف جدي اقدام ونه کړي، دوی به د ملګرو ملتونو او امنیت شورا او نورو نړیوالو ادارو ته شکایت وکړي.
باید ووایو، ولسمشر د دغو څرګندونو موخه د سولې او جګړې په اړه د حکومت دریځ معلومول وو.
د یادولو ده، چې ولسمشر غني دغه خبرې وروسته د کابل د هغه برید څخه کوي، چې د ملي یووالي حکومت ته یې سخته ضربه ورکړه، په سلګونو مهمو امنیتي کارمندانانو ته یې مرګ ژوبله واړوله.