نیویاک کې یوه کلیسا د اور لګېدنې له امله لمنځه تللې
کابل ټکی کام ۱۴غويي/۱۳۹۵، سمسور ګیلاني
خبري رسنیو ویلي دي، چې تېره شپه د نیویارک ښار په منهاتن سیمه کې یوه کلیسا د اور لګېدو له امله لمنځه ولاړه.
خبرونه وايي، دغه کلیسا چې د سربي ارتودوکس مسیحیانو وه، دوی پرون د ایستر مذهبي مراسم ترسره کړل.
تراوسه پورې د اورلګېدنې لامل نه دی معلوم شوی، مګر پولیسو له خلکو سره ژمنه کړې ده، چې عامل به یې معلوم کړي.
ځايي پولیس د دغې کلیسا وېجاړتیا د نیویارک ښار لپاره ستره ضیاع بولي.
د یادولو ده، چې د نیویارک په منهاتن سیمه کې د ارتودوکس مسیحیانو دغه کلیسا ۱۶۰ کاله لرغونتوب لري، چې په ګوتیک سټایل جوړه شوې وه.
