ولسمشر محمد اشرف غني چې دډاکټر عبدالله سره یې تراوسه دحکومت په لوړو پوستونو داشخاصو دمقررۍ اختلاف روان دې اوهم دکورنیواو بهرنیوستونزو سره دومره لاس او ګریوان دی چې په خپله ویناکې دیوې خوا په خپلو ناکامیو اعترافات کوي او دبلې خوا دسولې ترڅنګ دجګړې ګواښونه کوي .
دملي یووالي حکومت دبله هروخت نه په دی مییاشت کې چې دثور دمیاشتې د اومې او اتمې غونډي وشوې دسخت سیاسي فشار لاندی راغلی دی. چې د خپل ناتوانه حکومت لخواېې دملي شوراپه غونډه کې پرپاکستان دبی باورۍ غږ او دطالب وسلوالو سره یی دجګړې اعلان وکړ چې اوس ددواړو په منځ کی راګیرپاتې دی.
له ارګ څخه په یوه خپره شوې خبرپاڼه کې ویل شوي چې افغانستان به دپاکستان پر خلاف په ملګرو ملتونو کې دلاسوهنو شکایت کوي خپل ټول اسناد به وړاندې کوي ، ددې ترڅنګ دبهرنیو چارو وزارت ویلي چې په ملګروملتونو کې دلاسوهنو اسناد وړاندې کول په ملګرو ملتونو کی دافغانستان داستاذي مسئولیت دی دبهرنیوچارو وزارت پدي تمه دی چې دافغانستان لخوا په وړاندی شوي شکایت به روسیه ، چین او فرانسه ترنورو هېوادونو دمخه خپل نظرورکړي او دایاد هېوادونه به دافغانستان پلوي وکړي ځکه چې روسیه ، چین او فرانسه هم دتروریزم دخطرسره مخ دي او دافغانستان ملاتړ به وکړي .
دملګرو ملتونو داصولو له مخي کوم هېواد چې دبل هیواد پرخلاف شکایت وکړي ترڅیړنې لاندې نیول کیږي او دشکایت دڅیړنولپاره دثبوت کره والی هم شرط دی.
په افغانستان کې دکمونستي دورې د۱۳۵۷ دثور دمیاشتې څخه تر ۱۳۷۱کال دوري دمیاشتې نه نېولي دنظام ترسقوطه پورې نورمحمد ترکي ، حفیظ الله امین ، ببرک کارمل او ډاکټر نجییب الله لخوا ۷۶۱ځلې په ملګروملتونو کې له پاکستانه دلاسوهنو او دسرحداتو د تیري شکایتونه شویدي خو تراخره پورې په ملګرو ملتونو کې یو هم نه منل شوی او نه دپاکستان پرخلاف کوم قدم ملګرو ملتونو پورته کړیدی.
دډاکټرنجیب الله په وروستیوشپو ورځوکې دکابل او اسلام آباد ترمنځ اړیکې ډیرې ترینګلې شوې او په ملګرو ملتونو کې کابل دخپلو پولو او حریم په تیري هم اسلام اباد تورن کړ دې شکایتونو او تورونو دډاکټرنجیب الله دحکومت ترسقوط پورې دوام درلود.
دملي یووالي حکومت دچین ، روسيې، استرلیا،بلجیم،او سویډن دسفیرانو سره بلابیلې لیدنې وکړې او دچین او روسيې دسفرونو ترڅنګ کیدای شي دسویډن سفر هم په لنډ راتلونکی وخت کې وشي .
هغه ورځ چې دملي امنیت سلاکار حنیف اتمر او په کابل کې دسویډن دشاهي دولت سفیر سره وکتل حنیف اتمر وویل موږ سولې ته نه بلکه دولس سر او مال ساتنې ته لومړیتوب ورکوو خو په دې تراوسه پورې دملي یووالي حکومت نه دی پوهیدلی چې بې له سولې دهیڅ چا دسر او مال ساتنه نشي کیدې . په کابل کې دسویډن سفیر پیترس سټنبي دافغانستان سره دامنیت دهمکارۍ او دفاعي ځواکونو دملاتړ او سولې په اړه دخپل حکومت دملاتړ ژمنه وکړه خو ترڅوچې دملي یووالي حکومت دولس درایو درناوی ونکړي.
اودسولې دراتلوپه موخه يې اړین ګامونه نه وی پورته کړی هیڅ وخت په افغانستان کی سوله نشي راتلای .
سوله په دوه مخې پالیسۍ سره نشي راتلای دیوې خو اد جګړې او دبلې خوا دسولې لار نیول دملي یووالي حکومت په دوه لاري کې درولې یو خواته هم قدم نشي اخستی .
دملي یووالي حکومت غواړي په ملګروملتونو کې له پاکستانه شکایت وکړي چې دڅلوراړخیزی کمیټی په ژمنه عمل نه کوي حال داچې پاکستان تراوسه وايې چې دسولې په اړه خپله همکاري جاري ساتي .
دابه وروسته څرګنده شي چې په راتلونکي کې دبرکسل او وارسا په کنفرانسونو کې چې دملي یووالي حکومت هم ورته دورتلو چمتووالی ښودلی ملګري ملتونه څه ډول پریکړه کوي دملي یووالي حکومت ته به دستونزو څخه دوتلو یوه حل لاره پیداکړی او که به همداسې دسولې او جګړې په منځ کې پاتې وي .
